दोबाटो

जिन्दगीको यात्रामा, एउटा नसोचेको दोबाटोमा छु 

खै कुन बाटो अँगाल्ने हो, आँफै भित्र म फाटोमा छु 

सोच्दै छु यहि अडिन्छु, समयले पो कतै पर्खन्छ कि 

मलाई बाटो देखाउने साथी कोहि पछी फर्कन्छ कि 

एक मात्र बाटो रोज्नु पर्ने,  युद्ध कत्रो घमासान थियो  

जे रोजे पनी आखिरमा गन्तब्य त एकै समसान थियो  

रोज्नु पनि यति बिघ्न कठिन खै कसरि हुन सक्छ 

रोजेको होइन छोडेको सम्झी मन धेरै रुन सक्छ 

सायद,

कुनै दिन रोजेको कुरा कुनै दिन छोडिन सक्छ 

सँगै हिड्ने पाइला पनि कुनै दिन मोडिन सक्छ 

छुटेको बाटो भेटिदा फेरी हास्ने हो की रुने हो ?

हराएको आफ्नो सामान फेरी पाए जस्तै हुने हो ?

जे छैन त्यहि अमुल्य, जो छैन त्यहि प्यारो लाग्छ 

बरदान नै पाउँदा पनि यो मनले फेरी अर्को माग्छ 

मन चंचल मन छुच्चो, डाहा गर्ने  मन नै होला   

सन्तुष्टि त भन्नु  मात्र, स्वार्थी शब्द सहि होला 

दुवै बाटो सहि लाग्छ  दुवै बाटो गलत लाग्छ 

दुवै बाटो आफ्नो लाग्छ आँफै बरु गलत लाग्छ 

शुन्यतामा, अन्ल्योलमा, उल्झनको पासोमा छु 

जिन्दगीको यात्रामा, एउटा नसोचेको दोबाटोमा छु !!!

माफी

रिसाएरै बस्ने तिमि, अब त मान न प्रिय 

फकाउदै जान लाग्यो मेरो त प्राण प्रिय !!

तिम्रो एक मुस्कानको लागि तड्पिरहेको छु म 

अब त त्यो मुस्कानको बाण हान न प्रिय !!

भन तिमीलाई खुसि पार्न मैले के गर्नु पर्यो 

तिम्रो लागि खुसि छु म मरेरै  जान प्रिय !!

तिम्रो साथ खोजेको हो अरु के नै चाहियो र 

बिषनै दियौ भने पनि तयार छु म खान प्रिय !!

तिमीले माया गर्नु पर्ने कैयौ होला यो संसारमा 

तर तिमि बिन्ति मलाई आफ्नो मात्र ठान प्रिय !!

रिसाएरै बस्ने तिमि, अब त मान न प्रिय !!

गल्ती

सायद केहि गल्ती भए,

जुन नहुनु पर्ने थियो 

बिना गल्ती वियोग त किन 

सहनु पर्ने थियो ?

गल्ती तिम्रो थिएन होला

समय गलत भो 

गल्ती मेरो थिएन होला 

नियति नै भयो !!

गल्ती हाम्रो कथाको होइन 

कहानी मोडियो 

पात्र असल हुँदा पनि 

सम्बन्ध तोडियो !!

जोडेको मुटु तोडेर जान 

खै कसरि सकेको 

मौनता भित्र त्यो सिंगो कथा

कसरि बसेको ?

गलत हेराइ गलत बुझाई 

केहिपनि थिएन

भाग्य नै गलत भए पछी 

अचम्मै रहेन !!

भाग्यलाई दोषी मान्नु नै किन 

भाग्य त कथा हो 

कथा नै गलत लेख्दिने बरु

विधाता दोषी भो !!

बिधतालाई दोषी भन्ने 

अहो कत्रो साहश हो 

साहश पहिल्यै जुटाको भए

सम्बन्ध बच्दो हो !!

बचेको भए त्यो हाम्रो कथा 

खै कस्तो हुने थियो 

सायद केहि गल्ती भए,

जुन नहुनु पर्ने थियो  !!

महत्वाकांक्षा

 मैले सिए पढेर के भो, म तिम्रै बारे लेखौँला,

मैले बिहे गरेर के भो, म तिम्रै सपना देखौँला,

मेरो पढाई र भोगाईको के सम्बन्ध तिमीसँग 

मैले पिएँ, चड्यो त के भो, म तिम्रै साहरा टेकौंला !!

परवाह छैन मलाइ तिम्रो बिगत को  

जब तिमीलाई आफ्नो भविष्य नै ठानी सकें मैले

चिन्ता छैन मलाई बाँकी दुनियाको 

जब तिमीलाई नै आफ्नो सिंगो संसार मानि सकें मैले 

म अँध्यारोमा लडेर के भो, हामि जुनको उजेलिमा भेटौंला

मैले पिएँ, चड्यो त के भो, म तिम्रै साहरा टेकौंला !!

तिमी मलाई माया गर या नगर त्यो तिम्रो कुरा,

मेरो माया गर्न पाउने अधिकार कस्ले खोस्ला र

तिमीले मालाई लत्याएरै हिडेछौ  भने पनि 

मलाई तिम्रो सपना देख्न कसले रोक्ला र ?

सूर्यनै मेरो दुश्मन भए पनि म आफ्नो हत्केलाले छेकौला

म अँध्यारोमा लडेर के भो, हामि जुनको उजेलिमा भेटौंला

मैले पिएँ, चड्यो त के भो, म तिम्रै साहरा टेकौंला 

तिमी

सायद तिम्रै याद होलान 

हरपल आउने, मलाइ सताउने

आँखामा आँशु र ओठमा मुस्कान 

एकसाथ ल्याउने 

बिर्सन लागेको तिम्रो चित्र

 ताजा बनाउने !!

तिमि हिजो थियौ , आज छैनौ 

म हिजो थिएँ , आज पनि छु तर आफ्नो छैन 

मलाई मेरो हुन नदिने तिम्रो यादहरू 

मलाई अरुको हुन नदिने तिम्रा सम्झनाहरु 

तिमी बाहेक अरुलाई खै कसरी म आफ्नो सोचौला ?

सायद तिमि सपना थियौ

एकफेर आयौ , अनि हरायौ

म पर्खी रहें 

सपनामा पनि , विपना पनि !!

farewell

सुरुवात हो यो कहानीको अन्त्य नसोच्नु है

बाटो कठिन भए पनि यात्रा नमोड्नु  है 

प्रयास हो कहिले काँही असफल हुन् सक्छ 

एकफेर लड्दैमा आत्मबिश्वास नतोड्नु है 

जित्ने नै हो आखिरमा ढिला चाँडो होला बरु 

खट्ने हो खप्ने हो आफ्नो मेहेनत नरोक्नु है 

बिस्तारै बिस्तारै अघि बढे पक्कै गन्तब्यमा पुगिन्छ 

SYLLABUS र चिन्ताको भारी सँगै नबोक्नु है 

exam मा गर्दा गर्दै कुनै answer बिग्रे पनि 

हतार हतारमा त्यो answer नकोर्नु है 

उज्यालो भविष्य छ इज्जत छ प्रतिष्ठा छ 

त्यसैले,नामको अगाडी CA नराखी नछोड्नु है 

आशिर्बाद छ, शुभकामना छ सुन्दर भविष्यको लागि 

TEAMS CA ले बिर्स्यो भन्ने कहिल्यै नसोच्नु है !!

संवाद

 

उस्ले सोधी, "को हौ तिमी ?"

"तिम्रो हुन नसकेको मान्छे",

रोक्न खोज्दा खोज्दै पनि 

अनायासै निस्केको शब्द ,

"के रे ?" 

उस्ले सुनेर पनि नसुने जस्तो गरि गरेको प्रश्न ,

"बाटो बिराएको मान्छे",

मेरो सच्चिएको जवाफ,

जति सजिलै मेरो उत्तर बदलियो 

त्यति सहज उस्ले बिर्सेझैँ गरि 

मेरो पहिले उत्तर ,

"किन बाटो बिरायौ त ?"

"जानी जानी बिराएँ "

"कसरी ?"

"सायद आफ्नो घर खोज्दै थिएँ",

"तिम्रो घर यता हो र ?"

"त्यसैले त जानी जानी बाटो  बिराएँ "

त्यसपछिको मौनता ,

सन्नाटा,

आँखा जुध्न पनि नसक्ने 

नहेर्न पनि नसक्ने 

कस्तो अवस्था 

कस्तो परिवेश ,

"सन्चै छौ?"

मौनता भंग गर्ने उसको प्रश्न 

"अब सन्चो भयो "

"बिरामी थियौ ?"

"सायद रोगी थिएँ कि ?"

"एकै कुरा होइन र ?"

"शरीर बिरामी अनि मन रोगी हो कि?"

"के भयो र मनलाई ?"

"अब सन्चो भयो "

छेउ न टुप्पोको संवाद ,

केवल मौनता तोड्ने संवाद,

छुटिन चाह नहुँदा को 

जवर्जस्ती को संवाद 

जुटाउने संवाद 

छुटाउने संवादहिनता ! 

"देखेर खुसि लाग्यो"

म"लाई कि मेरो हालत लाई ?"

सायद मेरा यस्तै प्रश्नहरु दोषी थिए,

उसको बोली बन्द गर्न 

जबर्जस्तीको बोलि फेरी

बोल्न सकिन ऊ ,

"जान्छु ल "

"सोधेर जाने बानि पनि छ तिम्रो ?"

यसपाली सोधेर गई 

तर न जवाफ नै कुरी 

न जवाफ नै फर्काइ 

~~~madan sky (15/01/2023)

नियति

बाँच्ने त्यहि नमर्दा सम्म न हो
फेरी पनि मरि मरि बाँच्नु पर्ने
खै कस्तो नियति यो ??


हाँस्न खोज्दा आँखा रसाउने
संसारकै दुख एउटै भाग्यमा अटाउने
रुँदै रुँदै हास्नु पर्ने भो
खै कस्तो नियति यो ??


उ बेलाका कुरा सम्झिदै रमाउनु पर्ने
यो बेलाका कुरा ~ पुर्पुरै समाउनु पर्ने
आफ्नै अगाडी सम्हालिन नसकेको उ
अरुका अगाडी सम्हालिनु पर्ने भो
खै कस्तो नियति यो ??


देख्नेले के भन्ला सुन्नेले के सोच्ला
उसले सबैको बारे सोच्नु पर्ने भो
सायद जिउने नै अरुकै निम्ति हो
खुम्चिएरै जिन्दगि बित्यो
तर आकाश नाम उसको
खै कस्तो नियति यो ?? Madan 'SKY'

यदि मैले मेरो जिन्दगि बेचिदिएँ भने

यदि मैले मेरो जिन्दगि बेचिदिएँ भने
किन्न को आउला
कतिमा किन्ला
कता लैजाला ?
मेरो जिन्दगिलाई जिउँदो राख्ला
या मारिदेला
मेरो आँखालाई खुल्नदेला
या टालीदेला
यदि मैले मेरो जिन्दगि बेचिदिएँ भने !!

यदि मैले मेरो जिन्दगि बेचिदिएँ भने

मेरो नयाँ जिन्दगि कस्तो होला

फेरिएला वा उस्तै होला 

दुखको थुप्रो होला 

वा सुख जस्तै दुरुस्तै होला

हाँसोको मेला होला 

दुखको ठेला होला 

माया र सम्मान होला

घृणा र अपमान होला 

खै के होला ..

यदि मैले मेरो जिन्दगि बेचिदिएँ भने  !!

किन्नेले के सोचेर किन्ला 

मलाई देख्न किन्ला 

कि मलाई बेच्न किन्ला 

के मलाइ साहारा बनाउला 

कि आफ्नो आहारा बनाउला 

म बाट तृप्त होला ?

आफ्नो साम उठाउला 

मलाइ कतै लुकाउला ?

कि आफ्नो तलुवामा बिछाउला 

यदि मैले मेरो जिन्दगि बेचिदिएँ भने  !!

यदि मैले मेरो जिन्दगि बेचिदिएँ भने

किन्नेका लागि सायद ब्यर्थ हुनेछु 

महँगो मा किनेको सस्तो माल हुनेछु 

उत्तर बिनाका सवाल हुनेछु 

त्यसैले त 

यदि मैले मेरो जिन्दगि बेचिदिएँ भने

स्टिकर लागएर बेच्ने छु आँफुलाई 

र लेख्नेछु 

"साबधान 

तपाइको जिन्दगीको लागि हानिकारक हुन् सक्छु !!"

अलिकति ~ अलि धेरै !!

अलिकति टाउको दुख्दा 
अलि धेरै डर लाग्छ 
कतै हजुरसँग जिउने 
मेरा अमूल्य सपनाहरुलाई 
पनि दुख्छ कि भनि !!

अलिकति ज्वरो आउँदा 
अलि धेरै डर लाग्छ 
कतै मेरो मुटुभरिको 
हजुरको माया 
मैन सरि पग्लिन्छ कि भनि !!

अलिकति टाउको दुख्दा 
अलि धेरै डर लाग्छ !!

अलिकति थकाई लाग्दा 

अलि धेरै बिसाईदिन्छु 

हजुरलाई सम्झेर 

अलिकति पिर पर्दा 

हजुरलाई नै सम्झन्छु 

पीरलाई बिर्सेर !!

अलिकति खुसि हुँदा 

अलि धेरै याद आउँछ 

अलिकति दुखि हुँदा 

हजुरको नै न्यास्रो जाग्छ 

अलि कति भन्दा भन्दै 

कति धेरै बानि परेछ है !!

अलि अलि गर्दा गर्दा

अलि धेरै भएछ 

हजुरको माया 

अलि अलि साँच्दा साँच्दै

कति धेरै भएछ 

हजुरको सपना 

अनि 

अलि अलि भन्दा भन्दै 

धेरै गाढा बसेछ 

हजुरसँगको प्रेम   !! 

जीवन

कोहि भन्छन सासले जीवन चलेको छ
अनि कोहि भन्छन जीवन छ र त सास चलेको छ
अनि मलाई लाग्छ,
मृत्युले जीवन चलेको छ,
मृत्यु हुदैनथ्यो त सायद सासको महत्व हुदैनथ्यो
अनि जीवनको माया हुदैनथ्यो
सायद मृत्यु नै हो जीवन !!!

एक मुठी सासमा अड्केको जीवन
हिजो आज र भोलिको जीवन
अनि २ दिनको जीवन
अहो, कति धेरै जीवन
अनि कति छोटो जीवन
त्यो भन्दा पनि
कति प्यारो जीवन
यदि जीवन लामो हुन्थ्यो त
सायद, प्यारो हुदैनथ्यो होला !!!

अनि जीवन जिउँदाका सपनाहरु
भोलिका सपनाहरु
पाउने आशाहरु, गुमाउने डरहरु
बितेका विगतहरु, अन्धकार भबिश्यहरु
यदि भबिष्य थाहा हुन्थ्यो त
न त डर नै हुन्थ्यो न त आश नै
अनि जीवन जीवन हुन्थ्यो त ?
सायद, नदेखिने भविष्य नै जीवन हो !!!

जीवन एक यात्रा, जीवन नै संघर्ष
जीवन दुखको सागर, पीडाको भण्डार
जीवन आँशु, जीवन रोधन
कठै कति दर्दनाक जीवन
कति आकुल ब्याकुल जीवन
तै पनि चल्दैछ जीवन
तै पनि मर्दैन जीवन
सायद पर्खिरहेछ पालो
ओठमा मुस्कान भर्नलाई
हुन सक्छ, पर्खाइ नै हो जीवन !!!

हजुरलाई ......

मेरा खोसिएका खुसीको हाँसो हजुरलाई 
मेरा टुटेका नाताको गाँठो हजुरलाई
सपना त कैयौं देखें, सफलता खै कता गयो
मेरा रोकिएका पाइलाको बाटो हजुरलाई !!!

मेरा सुकेका ओठको रंग हजुरलाई
मेरो हारेको जिबनको उमंग हजुरलाई
हेर्दा हेर्दै सुन्दरता छोपिएका नजर मेरा
मैले नदेखेका आश्चर्य र दङ्ग हजुरलाई !!!

मैले हारेका युद्दको जीत हजुरलाई
मैले लेख्न छाडेका गीत हजुरलाई
इच्छा थियो जिबनलाई तारा सरि चम्काउने
मैले बाल्दा बाल्दै निभेको दीप हजुरलाई !!!

मेरा टाढीएका यार को साथ हजुरलाई
मैले थाम्न नसकेका हात हजुरलाई
सपनामै भएपनि जिउछु भन्थे जिन्दगीलाई
म निदाउन नसकेका रात हजुरलाई !!!

मैले जोगाउन नसकेको शान हजुरलाई

मैले लुटाएका सबै स्वाभिमान हजुरलाई

यति लामो जिन्दगानी लाग्थ्यो सङ्गै बिताउला

मेरो खरानीभै उडिजाने जिउ ज्यान हजुरलाई !!!

भोलि को अठोट

बिहानको चियाको चुस्की संगै
सपनाका टुक्राटाक्रीहरु  संगाल्दै
सोच्छु, हिजो राति सुत्ने बेलाको मेरो प्रतिज्ञा
आज देखि केहि गर्छु भन्ने सोच
जोस जाँगर ल्याउने अठोट , के भो ?
खै, सायद आज गर्न सकिन्न कि ?
हैन, भोलिबाट चाही पक्कै सुरु गर्छु  !!

प्रतेक रात जब बिस्तरामा पुग्छु
निन्द्रा को तन्द्रामा पुग्नु अघि
दिमागमा एउटै प्रश्न जन्मन्छ
आजको उपलब्धि के भो ?
र प्राय सधै उत्तर एउटै भेटिन्छ
एक दिन बुढो भैयो !!

जवाफ संगसंगै दिमागमा जोर पर्छ
थकित शरीर निदाउन खोज्छ
तर दिमागले अर्को प्रश्न गर्छ
व्यर्थको जिन्दगि कति जिउने
हो प्रश्न मात्र जन्मन्छ
तर जवाफ भेटिन्न
गर्ने त गर्ने तर के गर्ने ?

तब सम्झिन्छु बाल्यकाल देखिको सपना
एउटा सफल जिन्दगि, सुखी परिवार
शान, मान , बैभव र सम्वृद्धि
अनि लाग्छ, म केहि गर्नै जन्मेको हो
सामर्थ्य पनि छ म मा
अनि एउटा दृढ अठोट गर्छु

आदेश दिन्छु आफैलाई
अनि बिश्वस्त हुन्छु
भोलि नया भोलि हुनेछ
एउटा सुरुवात हुनेछ
गन्तब्य तर्फको बाटोमा
मेरो पहिले पाइला हुनेछ
अनि सपना साकार हुनेछ  !!

तर फेरी ,भोलि बिहानको चियाको चुस्की संगै
सपनाका टुक्राटाक्री लाइ संगाल्दै
सोच्छु, हिजो राति सुत्ने बेलाको मेरो प्रतिज्ञा
अनि फेरी लाग्छ ,,,
खै, सायद आज गर्न सकिन्न कि ?
हैन, भोलि बाट चाही पक्कै सुरु गर्छु  !!

म के चाहान्छु ?

म चाहान्छु,
रात रंगीन होस्
अनि दिन सुनौलो
मन चंगा आकाशमा
कैले बादल माथि उडिरहेको
कैले झरी संगै बर्सिरहेको
सप्तरंगी इन्द्रेणी झैँ
ओठमा मुस्कान छछल्कि रहेको !!!

म चाहान्छु,
सपना यथार्थ होस्
वा यथार्थ सपना झैँ बनोस
देख्न सकिने भबिस्य
फेर्न  सकिने बिगत
सुन्दर वर्तमान, सार्थक जीवन
समयको छोटो अध्याय, छोटो कहानी
खुसीको संसार हाम्रो अनि सफल हामी !!!

म चाहान्छु,
एउटा यस्तो साथी भेटियोस
जिबन साथी भेटियोस
जो संग यात्रा सहज बनोस
बाटो किन नहोस अप्ठेरो
रहोस जोश आँटिलो
सम्बन्ध सुमधुर, भरोसा बलियो
माया गाढा अनि प्रीत अनौठो  !!!!!


म चाहान्छु,
जिन्दगि किताब बनोस
हाँसो ठट्टाले भरिएको
आँशु हुन् खुसिका
कहानी हुन् मिलनका
अपसोच र वियोगमा  होइन
माया प्रेममा लेखिएको
ह्याप्पी एन्डीङ्गमा रचिएको !!!

भोलि !!! कस्लाई के थाहा !!

आज मात्रै हो,
भोलि संगै, हुने छैन,
तिमिसंग रिसाउन !!
आऊ, संगै बस,
यस्तो क्षण, आउने छैन,
यी पल फेरी बिताउन !!!

तिमीले सोचेजस्तै, के भर यहाँ हुदैन कि
पर्खि बस्नु मात्रै, आशा पुरा हुदैन कि !!
उठ, साथ देउ
तिमि बिना, एक्लो छु म
नदेउ नयन, भिजाउन !!
आज, मात्रै हो,
भोलि संगै, हुने छैन,
तिमिसंग रिसाउन !!!

जिदगी यस्तै रैछ, जे हुनु छ भै हाल्छ,
छोड, सोच्न तिमि, रमाएरै यी पल जान्छ !!
समाऊ, हात मेरो,
एकपल मलाई, नछोड्नु है
मन को भारी बिसाउन !!
आज, मात्रै हो,
भोलि संगै, हुने छैन,
तिमिसंग रिसाउन !!!

कल्पनामा डुब्नुभन्दा वर्तमानमा बाँची हेर
त्यो मुटुका ढुकढुकी, यो मनसंग साटी हेर !!
बोल, एक दुइ शब्द,
खोज्दै छु म, ति शब्दमा
भावनालाई मिसाउन !!
आज, मात्रै हो,
भोलि संगै, हुने छैन,
तिमिसंग रिसाउन !!!

मुना, तिम्रो मदन तिमीलाई खोज्दै छ
दिन रात हर घडी तिमीलाई सोच्दै छ
बिन्ति, यति निस्टुरी नभईदेउ प्रिय,
तिर्सना मेरो मन मुटु पोल्दै छ !!

You- My Life

Tears in your eyes, that I never wished
Sadness made for you? I don really think
I just wanna see your face, wid smile everyday
Coz u r like an angel to me, far miles away !!

Waking up in early morning, wid u in my mind
Everything looks so special n wonderful the time
You're the one who makes each day beautiful
n every night I think about u, looking at the moon !!

Your eyes staring at me, thats what i always feel
sharing wid u every moment, that i had ever been
Whenever i feel that troubles, are all around here
I found myself more stronger, thinking u out there !!

Sorry if I get u wrong and hurt u any time
Sorry if i bored u ever, with nonsense of mine,
You will always be wid me, walking by my side
Lightening the dark road and making it so bright !!

मैले लेख्नै बिर्सेछु !

मन भरि कुरा खेल्छन
आँखा भरि सम्झनाहरु
अनि आउछ तनमा जाँगर
भावनालाई कोर्ने
सफा कागजमा स्मृतिहरू बटुल्ने
तर
समाउछु कलम जब
हुन्छ दिमाग सुन्य सुन्य
चल्दैनन् यी हातहरु
र सोच्छु
ला ! मैले लेख्नै बिर्सेछु !!

दोधार मा परेको छु
मेरो कलमले लेख्न छाड्यो
या मैले कलम समाउन जानिन
बर्षौ बित्यो त्यो कागज
अझै पनि भर्न सकिन
जस्तो थियो तेस्तै छ त्यो
मेरो मन मात्र धमिलिएछ
म बदलिए या मेरो सोच
खै अड्कल गर्ने सकिन
या कतै
मैले सोच्नै त भुलिन ??

समय बद्लिसक्यो
देश भेष उस्तै रहेन
आफ्ना सबै पराइ भए
पराइ कोहि आफ्नो भएन
तिता मिठा यथार्थ छन्
म छु कागज छ मेरो कलम छ
तथापी मेरो लेख बन्न सकेन
मेरो कलम चल्न सकेन
खै के हो
मेरो कलमले मलाई चिनेन
या मैले मेरो कलम चिन्न सकिन !!

बिलौना को संग गरु
न त रुने कुरा हो यो
लाग्थ्यो लेख्नै जन्माएथे
त्यो केवल एउटा भ्रम भयो
प्रश्नका ति नानाभाती
ज्वारभाटा चलिरहेछ
विश्वास कसो गरि गरूँ
दिने केहि जवाफ छैन
खोक्रिसकें आफै भित्र
बास्तबिकता स्वीकार्दैछु
हो साच्चिकै
मैले लेख्नै बिर्सेछु !
मैले लेख्नै बिर्सेछु !!

किताब

मेरो किताब भित्र
कति राम्रो चित्र
यहि किताब पढेर
बन्छौ हामी मित्र !

मेरो किताबले नै
दिन्छ मलाइ ज्ञान्
यहि किताब पढेर
बन्छु स्वाभिमान !

यिनै किताबका
शब्दहरु पढि
ठुला-ठुला मान्छे
बन्छु म पनि !

सबै भन्द ठुलो कुरा
शिक्षा नै हुन्छ
शिक्षा बिना हाम्रो जीवन
अन्धकार हुन्छ !

शिक्षा नै हो हाम्रो
जीवन को आधार
शिक्षा बिना चल्दैन
यो सन्सार !!

..................my first ever poem :)

You- The One and Only

tolerating all my noncense
I know that’s not easy
n finding time for me
even in d time of such busy!!

baby u r like an angel for me
don knw where I got u
I really don do anything
thinking nothing but u !!

u r d reason for me
that I smile in all alone
n u r who inspire me
for everything I had done !!

to be wid u dear
that’s d only my dream
n I want u in my life
no matter how difficult it seems !!

thank u so much for everything
though it wont b ever enough
being a part of my life
wid never ending care and love !!

loving, thinking and dreaming u
that’s what all I do dear
n wanna be wid u ever
without any fear !!!